૬ પ્રવેશતી જાઉં છું

Smita TrivediMay 30, 2020June 22, 2020કાવ્ય સંગ્રહ - ડૉ. સ્મિતા ત્રિવેદી, ડો. સ્મિતા ત્રિવેદીઅનુસંધાન, કાવ્ય સંગ્રહ, ગુજરાતી સાહિત્ય, ડૉ. સ્મિતા ત્રિવેદી, Dr. Smita Trivedi, gujarati literature, Poetry

હું મારાથી પળપળ છૂટતી જાઉં છું,

મહામૃત્યુમાં સતત પ્રવેશતી જાઉં છું.

અંતિમ પડાવની ભલે ના હો ખબર,

પ્રત્યેક કદમના ઠહેરાવમાં પ્રવેશતી જાઉં છું.

બધાં જ પડદાઓ ઊંચકાઇ ગયા પછી,

અનાવૃત્ત અંદર જ પ્રવેશતી જાઉં છું.

પરીઘ પરના ટોળાઓ વિખરાયા પછી,

શૂન્યના કેન્દ્રમાં જ પ્રવેશતી જાઉં છું.

અનંત સમય અને વિરાટ અવકાશ,

પળેપળ કણમાં જ પ્રવેશતી જાઉં છું.

Published by Smita Trivedi

અમદાવાદની બી.ઍડ. કૉલેજમાં ૨૫ વર્ષ ઍસો. પ્રોફેસર તરીકે સેવા કર્યા બાદ હાલ નિવૃત્ત જીવનમાં સાહિત્ય, અધ્યાત્મ અને સંગીત સાથે પ્રવૃત્ત જીવનને માણી રહી છું. જીવનની પ્રત્યેક ક્ષણ એક નવો ઉઘાડ લઇને આવે છે, અને સતત નવું શીખવાની તક આપે છે. View more posts