હવે કેવી રીતે મળે ક્યાંય ફળિયું?
જ્યાં પોતાને જ નથી કોઇ મળિયું!
સોનાના ભાવ ને શૅરનો છે દમામ!
ભાવનો ભાવ પૂછી પૂછીને શું દળિયું?
મઢેલા પ્રતિબિંબોની ચારેબાજુ વાહ વાહ!
અસલી ચહેરામાં કદી ય શું કળિયું!
કોરી આંખો ને કોરાં કોરાં સપનાં,
પ્રેમમાં ય નથી આવતું ઝળઝળિયું!
જિંદગીભરની ભાગંભાગી પછી,
ચિત્રગુપ્તના ચોપડે શું રળિયું!
મોજથી કરો જલસે જલસા,
પડોશીનું દિલ ભલેને બળિયું!
ઘડીક જરીક સંગ કરો કોઇનો!
ને છટ ને ફટ મળી આવે તળિયું!
