તમારા આગમનથી તર થવાનું,
નગરના ચોક મધ્યે ઘર થવાનું!
ઘણું બોલ્યા કર્યું છે જિંદગીભર,
હવે તો મૌનથી સરભર થવાનું!
સદા ચાલ્યા કર્યું છે નિરર્થક,
તમારા સાનિધ્યમાં પર થવાનું!
ક્ષિતિજની પાર સ્વરોનો દરિયો,
સ્વરોને સાધવા તત્પર થવાનું!
મળ્યો છે આ સમયનો ઘા મજાનો,
હવે તો મૌનનો કલરવ થવાનું!
Like this:
Like Loading...
Related
Published by Smita Trivedi
અમદાવાદની બી.ઍડ. કૉલેજમાં ૨૫ વર્ષ ઍસો. પ્રોફેસર તરીકે સેવા કર્યા બાદ હાલ નિવૃત્ત જીવનમાં સાહિત્ય, અધ્યાત્મ અને સંગીત સાથે પ્રવૃત્ત જીવનને માણી રહી છું.
જીવનની પ્રત્યેક ક્ષણ એક નવો ઉઘાડ લઇને આવે છે, અને સતત નવું શીખવાની તક આપે છે.
View more posts
