૨૯. ગાત્રો શિથિલ તો કર્મ શિથિલ!

માણસની પૂર્ણ સ્વાસ્થ્યની ઝંખના અનાદિ કાળથી ચાલી આવે છે. શરીર સાથે આધિ, વ્યાધિ અને ઉપાધિ અભિન્નપણે સંકળાયેલી છે. એટલે જ માનવી પ્રાચીન કાળથી ઉત્તમ સ્વાસ્થ્યનાં નુસખાઓ શોધતો આવ્યો છે. હજુ આજેય એની એ શોધ ચાલુ છે. યોગ-ધ્યાન કે કસરત જેવી પ્રવૃત્તિ પાછળ જો એકાદ કલાક ખર્ચ્યો હોય તો બાકીના તેવીસ કલાક સુખ અને આનંદ પૂર્વક પસાર કરવાનો આપણને જાણે આપોઆપ પરવાનો મળી જાય છે.