લીલો ઉજાસ ભાગ – ૨ – પ્રકરણ – ૩ સેક્સ સાથેનું ‘એન્કાઉન્ટર’

આત્મકથાના ત્રીજા પ્રકરણમાં સોનલ પોતાના સેક્સ અંગેના અનુભવો અને તેનાથી તેનામાં આવેલા પરિવર્તનોને બહુ સ્પષ્ટ અને નિખાલસ રીતે વર્ણવે છે. સોનલની આવી નિખાલસ હિંમત ખરેખર પ્રસંશાને પાત્ર છે.

૧. સતામણીનું સત્ય

આજે ભલે આપણે આપણા સમાજને પ્રગતિશીલ, વિકસિત, શિક્ષિત અને મોકળા મનનો કહેતા હોઈએ. પરંતુ એક સ્ત્રી અને એક પુરુષ વચ્ચે નિતાંત શુદ્ધ મૈત્રી હોઈ શકે એવી કલ્પના કરતાં પણ આપણને ખૂબ કષ્ટ પડે છે. ડૉ. સિગ્મંડ ફ્રોઈડના એવા આત્યંતિક વિધાન સામે ઘણો ઊહાપોહ થયો હતો કે સ્ત્રી અને પુરુષના સંબંધને ગમે તે નામ આપો, જાતીય લાગણી ત્યાં મોજૂદ જ હોય છે.

૩૨. સપનાંની સૃષ્ટિ – જાગતી અને ઊંઘતી!

સ્વપ્ન એ માનવજીવનની અત્યંત પેચીદી પ્રક્રિયા છે. સ્વપ્નની સદીઓથી મીમાંસા થતી રહી છે. માણસને કેવાં સપનાં આવે છે એનો ઘણો બધો આધાર એના વ્યક્તિત્વ, એની વિચારસરણી, એની આકાંક્ષાઓ અને એની મહત્વકાંક્ષાઓ પર રહેતો હોય છે. હજુ એક ડગલું આગળ વધીને કહેવું હોય તો કહી શકાય કે સ્વપ્નો અને વ્યક્તિનું વિચારતંત્ર પરસ્પરનાં પૂરક બની રહે છે.

૨૯. ગાત્રો શિથિલ તો કર્મ શિથિલ!

માણસની પૂર્ણ સ્વાસ્થ્યની ઝંખના અનાદિ કાળથી ચાલી આવે છે. શરીર સાથે આધિ, વ્યાધિ અને ઉપાધિ અભિન્નપણે સંકળાયેલી છે. એટલે જ માનવી પ્રાચીન કાળથી ઉત્તમ સ્વાસ્થ્યનાં નુસખાઓ શોધતો આવ્યો છે. હજુ આજેય એની એ શોધ ચાલુ છે. યોગ-ધ્યાન કે કસરત જેવી પ્રવૃત્તિ પાછળ જો એકાદ કલાક ખર્ચ્યો હોય તો બાકીના તેવીસ કલાક સુખ અને આનંદ પૂર્વક પસાર કરવાનો આપણને જાણે આપોઆપ પરવાનો મળી જાય છે.

૨૬. મનની શક્તિનાં અતલ ઊંડાણ!

શારીરિક તાકાત કસરત અને પૌષ્ટિક ખોરાક વડે લાવી શકાય છે, પરંતુ માનસિક તાકાત માટે કોઈ દંડ-બેઠક કે કોઈ ટેબ્લેટ-ઈન્જેક્શન કામ નથી લાગતાં. માનસિક શક્તિ એક કેળવણી છે અને એ ઉછેર, વાતાવરણ તથા પોતાની માનસિક જાગૃતિ પર સૌથી વધુ આધાર રાખનારી બાબત છે. સફળ માણસ શારીરિક તાકાત જેટલું જ મહત્વ માનસિક તાકાતને પણ આપે છે.

૨૫. અહંની સમજ – ગેરસમજ!

આપણે આપણી વ્યવહારની ભાષામાં ‘અહમ્’ શબ્દનો બહુ છૂટથી ઉપયોગ કરીએ છીએ. આ શબ્દ વાપરતી વખતે આપણને અભિમાન અને હું પદ જેવો અર્થ જ અભિપ્રેત હોય છે. પરંતુ એને માટે ‘અહમ્’ શબ્દ વાપરવો યોગ્ય નથી. ‘અહમ્’ નો અર્થ કંઈક જુદો છે. મનોવિજ્ઞાને આ શબ્દની વિગતે મીમાંસા કરી છે. એથી આ શબ્દને બરાબર સમજવા જેવો છે.